Histori ne 17 vite
Na ndiq ne rrjetet sociale:  
 
Kenga Magjike 1999
Viti 1999 shënoi edicionin e parë të Festivalit “Kënga Magjike”, i cili riktheu në skenë ikonat e muzikës shqiptare, por solli edhe shumë emra artistësh të rinj. Në skenë, prezantuesi Ardit Gjebrea u shoqërua nga dy miss-e, Valbona Selimllari dhe Venera Mustafa.
 
Kenga Magjike 2000
Në edicionin e tij të dytë, festivali vijon të sjellë në skenë artistë të afirmuar e krijues të rinj, nga Shqipëria dhe diaspora. Një surprizë i dedikohet “Bylbylit të Kosovës”, Nexhmije Pagarusha. Këtë radhë, në krah të prezantuesit Gjebrea, gjendet Sabine Blumayer.
 
Kenga Magjike 2001
Në vitin 2001, veç muzikës së larmishme dhe garës interesante, “Kënga Magjike” sjell në Shqipëri edhe një prezantuese energjike, si Natalia Estrada. Veç saj, Kristen Pizani dhe Brigitte Serveni janë bashkëprezantuese të festivalit.
 
Kenga Magjike 2002
Netët finale të festivalit “Kënga Magjike 2002” ngjisin në skenë 31 këngëtarë, të rrymave të ndryshme. Për të dytin vit radhazi, Natalia Estrada përcjell emocionet e këtij eventi.
 
Kenga Magjike 2003
Në vitin e tij të pestë, festivali “Kënga Magjike” i ka kaluar kufijtë, jo vetëm në pjesëmarrjen e artistëve, por edhe në transmetimin televiziv. Brigitte Nielsen është e zgjedhura e radhës si bashkëprezantuese.
 
Kenga Magjike 2004
Ky edicion i festivalit mbahet në Kosovë dhe shënon nivele të larta audience, duke u transmetuar drejtpërdrejtë në RTV 21, TV Klan dhe radio NRG. E ftuar, këngëtarja Samanta Fox.
 
Kenga Magjike 2005
Është cilësuar si festivali i ndryshimeve të mëdha, në formë dhe përmbajtje. Plot emocione dhe supriza janë përcjellë tri netët e festivalit, i prezantuar nga Ardit Gjebrea dhe Denada Dajlani.
 
Kenga Magjike 2006
Muzikë cilësore dhe artistë të vërtetë. Në këtë edicion festivali “Kënga Magjike” njohu 44 këngëtarë, nga të cilët 19 mbërritën në natën finale. Surprizë e festivalit është përshëndetja e tenorit, Saimir Pirgu.
 
Kenga Magjike 2007
Festivali që theu të gjitha rekordet e transmetimit televiziv të një eventi muzikor në Shqipëri. TV Klan, RTV 21, Alsat –Maqedoni, Ora News, STV, Ballkanika Music Television, Radio 21 dhe Radio NRG, transmetojnë drejtpërdrejtë festivalin “Kënga Magjike”.
 
Kenga Magjike 2008
Festivali shënon 10-vjetorin e tij, duke u kthyer në një tribunë të muzikës dhe artistëve të vërtetë. Skenografia realizohet nga mjeshtri i RAI-t, Gaetano Castelli.
 
Kenga Magjike 2009
Edhe këtë vit shënohet një pjesëmarrje mbarëkombëtare e artistëve nga Shqipëria, Kosova dhe Maqedonia. Muzikës cilësore i shtohet edhe sharmi i dy prezantueseve, Karmen Gjani dhe Katia Kongoli, njëra rumune dhe tjetra ukrainase.
 
Kenga Magjike 2010
Festivali “Kënga magjike” 2010 u zhvillua në sallën e Pallatit të Kongreseve në datat 18, 19 dhe 20 nëntor. Një garë e fortë këngësh dhe performancash muzikore, ndërkohë që artistët tashmë votojnë njëri-tjetrin në mënyrë të hapur.
 
Kenga Magjike 2011
54 artistë të rrymave të ndryshme marrin pjesë në fazën e parë të festivalit “Kënga Magjike 2011”. Netët finale mbahen në Pallatin e Kongreseve në datat 17, 18 dhe 19 Nëntor. E ftuar speciale dhe bashkëprezantuese, aktorja turke Songül Öden.
 
Kenga Magjike 2012
Një festival i konsoliduar, që dominohet nga artistë të njohur dhe të afirmuar. Muzikë cilësore dhe performanca origjinale, ndërkohë që votat e artistëve vijojnë të përcaktojnë fituesin.
 
Kenga Magjike 2013
Erdhi me nje skenografi madhështore nga mjeshtri Gaetano Castelli dhe shënon pjesëmarrje të gjerë të artistëve të njohur e të rinj, duke sjellë risi në muzikën shqiptare. Në skenë, bashkë me prezantuesin Ardit Gjebrea, ngjiten dy vajza të cilave për herë të parë u jepet kjo mundësi; Mariela Bërliku dhe Evisa Larti. Përgjatë tri netëve të festivalit, pjesë e pandarë e tij janë bërë aktorët e humorit Ermal Mamaqi dhe Ervin Bejleri.
 
Kenga Magjike 2014
Fitues të edicionit të 16-të festivalit Aurela Gaçe dhe Young Zerka. Në vend të dytë është renditur këngëtari Vedat Ademi, ndërsa të tretin Rosela Gjylbegu. Skenografia e realizuar për të pestën herë nga mjeshtri italian i RAI-it Gaetano Castelli. Publiku ka mundur të shijojë praninë e Pippo Baudos dhe këngëtares Anna Oxa. Pjesë e prezantimit të këtë festival, kanë qene edhe Nevina, Marsela, Rudi, Albi e Mateo, 5 të rinj të talentuar nga kanali MAD TV.
s
Kënga Magjike 2014
Aurela Gaçe dhe Young Zerka fitues të “Kënga Magjike” 2014

“Kënga Magjike” kurorëzoi artistët fitues të edicionit të 16- të festivalit. Mes duartrokitjeve, Aurela Gaçe dhe Young Zerka shijuan emocionet e vendit të parë, pas votimit të 45 këngëtarëve, që arritën të bëhen pjesë e netëve gjysemfinale.

E ndërsa artistët kanë shijuar emocionet e skenës, salla e Pallatit të Koncerteve është kthyer në një diskotekë të madhe, teksa publiku i ngritur në këmbë, ka kërcyer përgjatë gjithë këngës. Në vend të dytë është renditur këngëtari Vedat Ademi, ndërsa në vendin e tretë Rosela Gjylbegu.

Me një skenografi të realizuar për të pestën herë nga mjeshtri italian i RAI-it Gaetano Castelli, salla e Pallatit te Koncerteve u shndërrua në anije kozmike, që i tejkaloi kufijtë tokësorë duke u ngjitur në hapësirë. Një simbolikë kjo, që sipas vetë Castellit, tregon se edhe ky festival tashmë i kaloi përmasat e një eventi kombëtar. Ndërkohë, Giuseppe Quini, mjeshtri i ndriçimit, gjithashtu nga RAI, shton se “Kënga Magjike, është tashmë një festival i krahasueshëm me festivale të tilla në Europë”.

Mbrëmja finale, solli surprizë për publikun shqiptar, ardhjen e ikonës italiane të prezantimit Pippo Baudo, i cili përcolli një duet në piano, me prezantuesin Gjebrea. Përveç këngëve e performancave moderne të festivalit dhe numrave artistikë të baletit, publiku ka mundur të shijojë edhe praninë e këngëtares Anna Oxa. Ajo, bashkë me prezantuesin Gjebrea, risollën në një duet emocionues këngën aq të njohur “Kur të jesh mërzitur shumë”.

Pjesë e prezantimit të këtë festival, kanë qene edhe Nevina, Marsela, Rudi, Albi e Mateo, 5 të rinj të talentuar nga kanali MAD TV.

 
 
Extra
  Rregullat e pjesemarrjes!
 
 
 
Degjo i pari kenget e festivalit duke shkarkuar aplikacionin tone mobile (Android).
 
  Mbeshtesin festivalin
     
 
  Galeria
     
 
Sondazh
Cfare do t'ju pelqente te gjenit ne faqen ne internet te "Kenga Magjike"?
 
Me shume foto
Me shume video
Pak Gossip
Eventet e Kengetareve
 
 
 
 
   
Copyright © 2013 - Kenga Magjike. All Rights Reserved.  
Vizito faqet e sponsorave tane!
Created by IMPULS